Биз такыбалыктан өткөн жакшы азыкты көргөн жокпуз!

📌 “Биз такыбалыктан өткөн жакшы азыкты көргөн жокпуз!”
✍️’Али ибн Абу Талиб (Аллах андан ыраазы болсун) мүрзөгө келип мындай деп кайрылганы кабарланат:
“О кабыр ээлери, силер мага өзүңөр тууралуу кабар бересиңерби же мен силерге жаңылык айтайынбы?. Жаңылык айта турган болсом – силердин мүлкүңөр (башка адамдарга) бөлүнүп берилген, аялдарыңар башка күйөөгө тийген, үйлөрүңөрдө башка адамдар жашап жатышат! Биздеги жаңылыктар ушу, эми бизге өзүңөрдөгү жаңылыктарды айтып бергиле!”.
Андан соң ал: “Аллахка ант, эгерде кабырдагылар сүйлөй алганда мындай деп айтышмак: “Биз такыбалыктан өткөн жакшы азык билбейбиз!”.
📚 Имам аль-Куртуби, «ат-Тазкирату фи ахвалиль-мавта ва умуриль-ахыра»